मौलापुर, रौतहट । प्रतिनिधि सभा सदस्यका स्वतन्त्र उम्मेदवार प्रभु साहले मतदान गरेका छन् । रौतहट क्षेत्र नं. ३ बाट स्वतन्त्र उम्मेदवारी दिएका पूर्व मन्त्री साहले आफ्नो अमुल्य मतको सदुपयोग गर्नका लागि मतदान गर्न सबैमा अपिल गरेका छन् । 

साहले आफ्नो जन्मथलो रौतहटको मौलापुर स्थित मतदान केन्द्रबाट मतदान गरेका हुन् । उनी कल (चापाकल) चुनाव चिन्हबाट स्वतन्त्र उम्मेदवारी दिएका छन् । ऐतिहासिक प्रतिनिधि सभा र प्रदेश सभा सदस्यमा मतदानका लागि उनले सबैमा अपिल गरेका छन् । 

साहले मतदान गरेपछि भने, ‘आफ्नो अमुल्य मतको सदुपयोग गरी क्षेत्रसहित देशलाई सही मार्गदर्शन गर्नका लागि अनिवार्य रुपमा मतदानमा सामेल हुन सम्पूर्ण मतदाता समक्ष हार्दिक अपिल समेत गर्दछु ।’