सिन्धुपाल्चोक । दुई प्रतिनिधि सभा र चार प्रदेश सभा निर्वाचन क्षेत्र रहेको सिन्धुपाल्चोकमा गठबन्धनले सानदार जित हासिल गरेको छ । क्षेत्र नम्बर २ बाट लोकतान्त्रिक वाम गठबन्धनका साझा उम्मेदवार नेपाली कांग्रेसका मोहन बहादुर बस्नेत विजयी भएका छन् । भने क्षेत्र नम्बर एकमा माधव सापकोटा सुबोध निर्वाचित भए । 

शेर बहादुर तामाङलाई ११ हजार ८ सय ७४ भारी मतान्तरमा हराउँदै बस्नेतले जित निकालेका छन् । सिन्धुपाल्चोक निर्वाचन क्षेत्रमा नेपाली कांग्रेसका लागी यो पहिलो जित समेत हो । बस्नेतले ३९ हजार  ३ सय ६७ मत ल्याउदा शेर वहादुर तामाङले २७ हजार ४ सय ९३ मत ल्याएका थिए । 

राष्ट्रिय स्वतन्त्र पार्टीका उम्मेदवार माया गुरुङले २ हजार ४ सय ५२ मत ल्याउदा राष्ट्रिय प्रजातान्त्रिक पार्टीका उम्मेदवार नर सिंह श्रेष्ठले २ हजार ८ सय १९ मत ल्याएका छन् । मेलम्ची नगरपालिकाको वडाहरु पाँच वडाको जम्मा मत ९ हजार १ सय ५७ मत गन्न बाँकी रहदानै बस्नेतले १० हजार ५ सय ६४ मतको अग्रता बनाएका थिए । एमालेका नेता बालकृष्ण बस्नेत, डम्बर अर्यालको क्षेत्रमा समेत यस वर्ष मोहन बस्नेतले आफ्नो जादु चलाएको देखियो । त्यो वडामा समेत बस्नेतले एमालेका उम्मेदवार तामाङ भन्दा ८४ मत वढी ल्याएका थिए ।

२ को प्रदेशसभा ‘क’ मा दुलाललाई लोकप्रिय मत
सिन्धुपाल्चोक क्षेत्र नं २ प्रदेशसभा ‘क’ मा  बागमति प्रदेशका पूर्व सामाजिक विकास मन्त्रि युवराज दुलाल (शरद) भारी मतले विजयी भएका छन् ।शरदले २० हजार ९ सय ६ मत पाएका छन् । उनका प्रतिद्वन्द्वी एमालेका उम्मेदवार अमान सिं तामाङलाई ८ हजार ७ सय ६७ फराकिलो मतान्तरले पछाडि पार्दै शरद बागमति प्रदेशसभा सदस्यमा निर्वाचित भएको हो । एमालेका तामाङले भने १२ हजार १ सय ३९ मत ल्याएका छन् ।

२ को प्रदेश सभा (ख) मा कृष्णकुमार समिर विजय
यस्तै निर्वाचन क्षेत्र नम्बर २ को प्रदेश सभा९ ख ० मा कृष्ण कुमार तामाङ समिर विजय भएका छन् । एमालेका हस्त पण्डित भन्दा १ हजार ५ सय ५ मत बढी ल्याउदै समिर बागमती प्रदेश सभा सदस्यमा निर्वाचित भएका हुन् । उनले १७ हजार ७ सय ५८ मत ल्याउदा एमालेका हस्त पण्डितले १६ हजार २ सय ५३ मत प्राप्त गरेका थिए । यस्तै राष्ट्रिय प्रजातन्त्र पार्टीका गोविन्द गुरुङले ३ हजार ४ सय ३३ मत ल्याएका छन् । सिन्धुपाल्चोक जिल्लामा नै ३० वर्षको कान्छो उमेरमा प्रदेश सांसद बन्ने पहिलो युवा पनि समिर बनेका छन् ।

४० वर्षमा सांसद बने सुबोध
मंसिर ४ गते सम्पन्न प्रतिनिधिसभा तथा प्रदेशसभा निर्वाचन अन्तर्गत सिन्धुपाल्चोक जिल्लामा  क्षेत्र नम्बर १ बाट लोकतान्त्रिक वाम गठबन्धनका साझा उम्मेदवार नेकपा माओवादी केन्द्रका०माधब सापकोटा (सुबोध) विजयी भएका छन्। माओवादी केन्द्रका पोलिटब्युरो सदस्य सुबोध एमालेका सरेस नेपाललाई ३ हजार ३५६ मतले पछि पार्दै विजयी भएका हुन। उनले ३० हजार ३७४ मत प्राप्त गरे । सरेस नेपालले भने २७ हजार १८ मत पाएर पराजित बने । राप्रपाका नारायण पाण्डेले १ हजार ६४७, राष्ट्रिय स्वतन्त्र पार्टीका दिनेश श्रेष्ठले ३ हजार ४९८ मत ल्याएका छन् ।

जनयुद्धकालीन राजनीतिबाट हुर्केका ४० वर्षीय सापकोटा पहिलो पटक उम्मेदवार बनेर चुनावी मैदानमा उत्रिएका थिए । सभामुख अग्निप्रसाद सापकोटाले युवा पुस्तालाई मौका प्रदान गरेपछि पार्टीले उनलाई उम्मेदवार बनाएको थियो ।

क्षेत्र नं १ प्रदेशसभा ‘क’ मा खड्का
सिन्धुपाल्चोक क्षेत्र नं १ प्रदेशसभा ‘ख’ मा गठबन्धनको तर्फबाट  नेकपा माओवादी केन्द्रका सरल सहयात्री पौडेल विजयी भएका छन् । पौडेलले १७ हजार २५६ मत ल्याएर विजयी बने । उनका प्रतिद्वन्द्वी एमालेका होम नारायण श्रेष्ठलाई ४ हजार २४३ को  मतान्तरले पछाडि पार्दै सरल बाग्मती प्रदेशसभा सदस्यमा निर्वाचित भएका हुन् । श्रेष्ठले १३ हजार १३  मत ल्याएर पराजित भए  ।

क्षेत्र नं १ प्रदेशसभा ‘ख’ मा सरल 
सिन्धुपाल्चोक क्षेत्र नं १ प्रदेशसभा ‘ख’ मा गठबन्धनको तर्फबाट  नेकपा माओवादी केन्द्रका सरल सहयात्री पौडेल विजयी भएका छन् । पौडेलले १७ हजार २५६ मत ल्याएर विजयी बने । उनका प्रतिद्वन्द्वी एमालेका होम नारायण श्रेष्ठलाई ४ हजार २४३ को  मतान्तरले पछाडि पार्दै सरल बाग्मती प्रदेशसभा सदस्यमा निर्वाचित भएका हुन् । श्रेष्ठले १३ हजार १३  मत ल्याएर पराजित भए  ।