काठमाडौँ । प्रधानमन्त्री पुष्पकमल दाहाल ‘प्रचण्ड’राष्ट्रपतिको विषयमा निष्कर्षमा पुग्ने कोशिसमा रहेको बताएका छन् । 

बालकोटमा नेकपा एमाले अध्यक्ष केपी शर्मा ओलीलाई भेटवार्ता गरेर बाहिर निस्किदा प्रतिक्रिया दिदै प्रधानमन्त्री प्रचण्डले राष्ट्रपतिको विषयमा निष्कर्षमा पुग्ने कोसिसमा रहेको र एकदुई दिन भित्र टुंगिने बताएका हुन् ।

उनले अहिले सत्ता साझेदार दलको सरकार चलिरहेकोले यसलाई राम्रो बनाउने छलफल मात्र अहिले भइरहेको बताए । शुक्रबार अपराहन्न निवास बालकोट पुगेका प्रधानमन्त्री प्रचण्डले २ घण्टाभन्दा बढी छलफल गरेका थिए ।

राष्ट्रपति चयनका विषयमा गठबन्धनमा विवाद कायम रहेको बेला दुई शीर्ष नेताबीच निरन्तर छलफल भइरहेको छ । साथै सरकारलाई पूर्णता दिने र वर्तमान राजनीतिक घटनाक्रमका बारेमा पनि छलफल भएको बताइएको छ ।

विशेष गरि एमालेले पूर्वसहमति अनुसार राष्ट्रपतिमा गठबन्धनबाट आफ्नो उम्मेदवार हुनेपर्ने अडान राख्दै आएको छ भने माओवादी केन्द्रले राष्ट्रपतिको चयन राष्ट्रिय सहमति हुनुपर्ने बताउदै आएको छ ।