काठमाडौँ । नेपालमै सर्बाधिक बिक्री हुने १२५ सिसिका मोटरबाइक, होण्डा साइनले आफ्ना ग्राहकहरूका लागि आकर्षक अफर सार्वजनिक गरेको छ । 

नेपालका लागि होण्डा मोटरबाइकको अधिकृत बिक्रेता स्याकार ट्रेडिङ कम्पनीले आफ्ना ग्राहक वर्गका लागि फेरी आकर्षक अफरहरू लिएर आएको जानकारी सार्वजनिक गरेको छ । 

अब होण्डा साइन मोटरबाइक मात्रै १ प्रतिशत ब्याजदरमा किन्न पाइनेछ । साथै, सर्वाधिक माइलेजका कारण सधैँ उपभोक्ताहरूको रोजाइमा पर्न सफल होण्डा साइन बाइक खरिद गर्दा आकर्षक क्यासब्याक पनि पाइने भएको छ ।

कम्पनीका अनुसार यो बाइक खरिद गर्दा तुरुन्तै ४ हजार ५०० सम्मको ’क्यास ब्याक’ पनि पाउन सकिनेछ । 

सो योजना जेठ १८ देखि असार १५ सम्म मात्र कायम रहने कम्पनीले जानकारी दिएको छ । आरामदायी र आकर्षक होण्डा साइनमा उपलब्ध यो अवसरले ग्राहकहरूलाई भरपुर फाइदा पुग्नेमा विश्वस्त रहेको कम्पनीको भनाइ छ ।