काठमाडौं । साताको पहिलो कारोबार दिन आइतबार सेयर बजार दोहोरो अंकले घटेको छ ।
आज बजार १९.८५ अंकले घटेर २६९४.२० को विन्दुमा बन्द भएको नेपाल स्टक एक्सचेन्ज (नेप्से) ले जनाएको छ ।
बजार घटेसंगै कारोबार रकम पनि घटेको छ । बिहिबार १४ अर्ब ५६ करोडको कारोबार भएको बजारमा आज ९ अर्ब १० करोडको कारोबार भएको छ ।
त्यसैगरी आज ५० कम्पनीको सेयर मुल्य बढेको छ भने २०१ कम्पनीको सेयर मुल्य घटेको छ । बाकी ९ कम्पनीको सेयर मुल्यमा कुनै परिर्वतन आएको छैन् ।
