काठमाडौं । साताको पहिलो कारोबार दिन आइतबार सेयर बजार दोहोरो अंकले घटेको छ ।

आज बजार २७.५९ अंकले घटेर २६१४.५५ को विन्दुमा बन्द भएको नेपाल स्टक एक्सचेन्ज (नेप्से) ले जनाएको छ । आज बजार १.०४ प्रतिशतले घटेको हो । 

बजार घटेसंगै कारोबार रकम पनि घटेको छ । यसअघि ८ अर्ब ३६ करोडको कारोबार भएको बजारमा आइतबार ६ अर्ब ६९ करोडको कारोबार भएको छ । 

त्यसैगरी आज ३४ कम्पनकिो सेयर मुल्य बढेको छ भने २२० कम्पनीको सेयर मुल्य घटेको छ । बाकी ७ कम्पनीको सेयर मुल्यमा कुनै परिर्वतन आएको छैन् ।