काठमाडौं । साताको तेस्रो कारोबार दिन मंगलबार सेयर बजार दोहोरो अंकले बढेको छ ।
आज बजार २३.८३ अंकले बढेर २९६०.९० को विन्दुमा बन्द भएको नेपाल स्टक एक्सचेन्ज (नेप्से)ले जनाएको छ ।
बजार बढे पनि मंगलबार कारोबार रकम भने सामान्य घटेको छ । सोमबार १५ अर्ब ७८ करोडको कारोबार भएको बजारमा आज १४ अर्ब ८३ करोडको कारोबार भएको छ ।
त्यसैगरी आज १३६ कम्पनीको सेयर मुल्य बढेको छ भने ११७ कम्पनीको सेयर मुल्य घटेको छ । बाकी ११ कम्पनीको सेयर मुल्यमा कुनै परिर्वतन आएको छैन् ।
