काठमाडौं । साताको तेस्रो कारोबार दिन मंगलबार सेयर बजार दोहोरो अंकले बढेको छ । 

आज बजार १९.७० अंकले बढेर २८५१.०९ को विन्दुमा बन्द भएको नेपाल स्टक एक्सचेन्ज (नेप्से)ले जनाएको छ । 

बजार बढेर बन्द भएता पनि कारोबार रकम भने घटेको छ । सोमबार १२ अर्ब ९४ करोडको कारोबार भएको बजारमा आज ११ अर्ब ११ करोडको कारोबार भएको छ । 

त्यसैगरी आज १९५ कम्पनीको सेयर मुल्य बढेको छ भने ६३ कम्पनीको सेयर मुल्य घटेको छ । बाकी  ९ कम्पनीको सेयर मुल्यमा कुनै परिर्वतन आएको छैन् ।