भाद्र ८ काठमाडौं । कोरोना भाइरस (कोभिड१९) संक्रमण कारण गत बैशाख १६ देखि काठमाडौं उपत्यकामा जारी निषेधाज्ञा पुनः थप गरिएको छ । मंगलबार बसेको उपत्यकाका तीनै प्रमुख जिल्ला अधिकारीहरुको बैठकले जारी निषेधाज्ञा भदौ १६ गतेसम्म लम्ब्याउने निर्णय गरेका छन् ।
काठमाडौंका प्रमुख जिल्ला अधिकारी (सिडिओ) कालीप्रसाद पराजुलीले साबिककै निषेधाज्ञालाई अनुसरण गरिने बताएका छन् । साथै, राति ८ बजेदेखि सार्वजनिक तथा निजी सवारी साधन चलाउन नपाइने नियम भने तत्कालका लागि हटाइएको उनले बताएका छन् ।
सिडिओ पराजुलीका अनुसार निजी सवारी साधनलाई कोभिड प्रोटोकल पालना गरेर चलाउन पाइने आदेश दिइएको छ । यसअघिको बैठकले गरेको निषेधाज्ञाको समय आज भदौ ८ गते सकिँदैछ ।
