नेकपा (एकीकृत समाजवादी) निकट युवा संघ केन्द्रीय कमिटीको आयोजनामा भएको महाकाली–मेची जागरण अभियान अन्तरगत भदौं २३ गते झापाको बिर्तामोडमा खुल्ला सभा हुने भएको छ । 

सो कार्यक्रममा पार्टीका सम्मानित नेता तथा पूर्व प्रधानमन्त्री झलनाथ खनालले सम्बोधन गर्ने कार्यक्रम रहेको संघका उपाध्यक्ष तथा प्रदेश एकका इन्चार्ज मुना शर्माले बताए । 

महाकालीबाट आउने युवा संघको टोलीलाई झापाको बिर्तामोडमा बृहत सहभागितामा स्वागत गर्ने र सम्मानित नेताले सम्बोधन गरेपछि मेची नदीमा पुगेर अभियान समापन गर्ने कार्यक्रम रहेको युवा संघका सचिव तथा झापा पार्टीका उपाध्यक्ष प्रत्युस रानाले बताए । दिउँसो १२ वजे बिर्तामोडस्थित हनुमान सेन्ट्रल अगाडि खुल्ला सभाको आयोजना गरिएकोले सो सभामा उपस्थित हुन उनले सबैमा आग्रह गरे  ।
 
युवा संघको महाकाली-मेची जागरण अभियान भाद्र १५ गते नेकपा (एस) का अध्यक्ष माधब नेपालले टोलिलाई बिदाइ गरेका थिए । यो अभियान नेतृत्व संघका केन्द्रिय अध्यक्ष नरेश शाहीले गरेका छन् ।