तिहार बिदा अघिको सेयर कारोबार दिन आज (आइतबार) नेप्से परिसूचक दोहोरो अंकले बढेको छ । यसदिन नेप्से परिसूचक १४.३५ अंकले बढेर १८५८.४९ विन्दुमा पुगेको छ। दसैंपछि सेयर बजार नियमित ओरालो लागेको  थियो ।

२२१ कम्पनीको १५ लाख ३८ हजार ४२ कित्ता सेयर ५१ करोड ६८ लाख ३ हजार ४८४ रुपैयाँमा खरिदबिक्री भयो। दोहोरो अंकले बढेको सेयर बजारमा दुई कम्पनीको मूल्यमा सकारात्मक सर्किट लाग्यो ।

रुरु जलविद्युत परियोजना र सयपत्री हाइड्रोपावरको सेयर मूल्य १० प्रतिशतले बढ्यो। यस्तै सिटीजन्स म्युचुअल फण्डको  मूल्य७.८० प्रतिशतले उकालो लाग्यो ।

सिटीजन्स म्युचुलअ फन्ड २ को  सेयर मूल्य भने ९.५५ प्रतिशतले ओरालो लाग्यो। ५ करोड बढिको कारोबार गरी  एभरेष्ट बैंक अग्रस्थानमा रह्यो ।

कारोबारमा आएका १३ समूहमध्ये ११ को मूल्य बढ्यो भने २ को घट्यो। नन लाइफ इन्स्योरेन्सको सर्वाधिक १.२२ प्रतिशतले मूल्य बढ्दा डेभलपमेन्ट समूहको १.०२ प्रतिशतले बढ्यो ।

होटल्स एन्ड टुरिजम र म्युचुअल फन्डको क्रमश ०.७७ र ०.२८ प्रतिशतले सेयर मूल्य घटेको हो। बजार अब एक हप्तापछि खुल्नेछ ।