जीवन बिमा कम्पनीहरुले चालु आर्थिक वर्षको ६ महिना अर्थात पुस मसान्तसम्ममा ७१ अर्ब रुपैयाँ बढी बिमा शुल्क आर्जन गरेका छन् ।
 
नेपाल बिमा प्राधिकरणको पुससम्मको तथ्यांक अनुसार २० वटा जीवन बिमा कम्पनीहरुले कुल ७१ अर्ब ६५ करोड २० लाख रुपैयाँ बिमा शुल्क आर्जन गरेका हुन् । यस अवधिमा नेपाल लाइफ इन्सुरेन्सले सबैभन्दा धेरै १८ अर्ब ६३ करोड ३८ लाख रुपैयाँ बिमा शुल्क आम्दानी गरेको छ ।
 
त्यसपछि, लाइफ इन्सुरेन्स कर्पोरेसनले ८ अर्ब ७२ करोड ९३ लाख रुपैयाँ बिमा शुल्क आर्जन गरेको छ । त्यसैगरी, नेसनल लाइफ इन्सुरेन्स कम्पनीले ७ अर्ब ६८ करोड ६९ लाख रुपैयाँ र राष्ट्रिय बिमा संस्थानले ६ अर्ब १४ करोड ५० लाख रुपैयाँ बिमा शुल्क आर्जन गरेका छन् ।