.jpg)
काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने प्रधानमन्त्री पुष्पकमल दाहाल प्रचण्डसँग भेटवार्ता गर्न बालुवाटार पुगेका छन् ।
पुन: निर्वाचित भएसँगै लामिछानेले सरकारमा सहभागी हुने नहुने विषयमा पार्टीभित्र र बाहिर छलफल गर्ने क्रममा प्रधानमन्त्री प्रचण्डलाई भेटेका हुन् ।
नागरिकता विवादमा सर्वोच्च अदालतबाट भएको फैसलापछि पद गुमाएका लामिछाने वैशाख १० मा सम्पन्न निर्वाचनमा पुनः निर्वाचित भएका हुन् ।
यसैबीच रास्वपाले आफ्नो संसदीय दलको बैठक सोमबारका लागि बोलाएको छ ।
बैठकमा सरकारलाई दिएको समर्थन फिर्ता लिने विषयमा समेत छलफल हुने बताइएको छ । शुक्रबार सांसद पदको शपथ लिए पछि सभापति रवि लामिछानेले सरकारलाई दिएको समर्थन फिर्ता लिने संकेत गरेका थिए ।
