.jpg)
प्रतिनिधि सभामा प्रस्तुत भएको सरकारको नीति तथा कार्यक्रममाथि उठेका प्रश्नबारे आज शुक्रवार प्रधानमन्त्री पुष्पकमल दाहाल ‘प्रचण्ड’ले जवाफ दिने भएका छन् ।
शुक्रवार बिहान ११ बजे बस्ने बैठकमा प्रधानमन्त्री प्रचण्डले जवाफ दिनेछन् ।
शुक्रवारको बैठकमा नीति, तथा कार्यक्रममाथि छलफल जारी रहने र प्रधानमन्त्री प्रचण्डले जवाफ दिने सम्भावित कार्यसूची रहेको जनाइएको छ । प्रधानमन्त्रीको जवाफपछि नीति तथा कार्यक्रम संसद्मा निर्णयार्थ पेश हुनेछ ।
राष्ट्रपति रामचन्द्र पौडेलले जेठ ५ गते संघीय संसद्को दुवै सदनको संयुक्त बैठकमा नीति तथा कार्यक्रम प्रस्तुत गरेका थिए ।
