काठमाडौँ । साताको पहिलो दिन आज आइतबार नेपाली बजारमा सुनचाँदीको मूल्य वृद्धि भएको छ । 

नेपाल सुनचाँदी व्यवसायी महासङ्घका अनुसार शुक्रबारको तुलनामा आइतबार सुनको मुल्य प्रतितोला ३ सय रुपैयाँले बढेको हो । 

शुक्रबार छापावाल सुन प्रतितोला १ लाख १२ हजार ६ सय रुपैयाँमा कारोबार भएकोमा आइतबार बढेर १ लाख १२ हजार ९ सय रुपैयाँ पुगेको हो ।त्यस्तै, तेजावी सुन प्रतितोला १ लाख १२ हजार ३ सय ५० रुपैयाँ पुगेको छ । यसअघि यो सुनको मूल्य १ लाख १२ हजार ५० रुपैयाँ थियो । 

यता, चाँदी प्रतितोला ५ रुपैयाँले बढेर १ हजार ४ सय ५५ रुपैयाँ पुगेको महासङ्घले जनाएको छ । यसअघि चाँदीको भाउ १ हजार ४ सय ५० रुपैयाँ थियो ।