काठमाडौं । नेपाली बजारमा सोमबार पनि सुनचाँदीको मुल्यले नयाँ रेकर्ड राखेको छ ।
आइतबार प्रतितोला १ लाख ४० हजार ९ सय रुपैयाँमा कारोबार भएको छापावाला सुन आज प्रतितोला १ लाख ४१ हजार ८ सय रुपैयाँमा कारोबार भइरहेको नेपाल सुनचाँदी महासंघले जनाएको छ । यो मूल्य हालसम्मकै उच्च हो।
त्यस्तै आज तेजावी सुनको मुल्य पनि ९ सय रुपैयाँले नै बढेर प्रतितोला १ लाख ४१ हजार ५० रुपैयाँमा कारोबार भइरहेको छ ।
यता चाँदीको मुल्य ३० रुपैयाँले बढेर आज प्रतितोलामा १ हजार ९ सय ४० रुपैयाँमा कारोबार भइरहेको महासंघले जनाएको छ ।
