काठमाडौं । शंकर घिमिरे निर्देशित चलचित्र ‘तेल भिसा’को प्रदर्शन मिति परिवर्तन गरिएको छ।

निर्माण टिमले चलचित्रको फर्स्टलुक सार्वजनिक गर्दै मंसिर ७ गतेका लागि रिलिज डेट तय गरेको  जनाएको हो। यसअघि भदौ २९ गते रिलिज हुने भनिएको थियो।

सार्वजनिक पोस्टरमा अभिनेता विपिन कार्कीलाई दोहोरो भुमिकामा प्रस्तुत गरिएको छ भने अभिनेत्री वर्षा राउत, ऋचा घिमिरे र पुजा लामासहित केही विदेशी कलाकार छन्। चलचित्रमा बुद्धि तामाङ पनि मुख्य भूमिकाका रहेका छन्। 

केही समयअघि अमेरिकामा  पहिलो चरणको छायांकन गरिएको फिल्मको सोमबारदेखि चितवनमा दोस्रो चरणको छायांकन सुरु गर्ने बताइएको छ।

वेलडन क्रियसनको ब्यानरमा ऋचा घिमिरेको प्रस्तुति रहेको चलचित्रमा अनिश पाण्डे र शिवराज कार्की निर्माता हुन् भने सुशन प्रजापतिले छायांकन गरेका हुन्।