.jpg)
काठमाडौं । प्रधानमन्त्री केपी शर्मा ओलीले भारतीय प्रधानमन्त्री नरेन्द्र मोदीलाई नेपाल भ्रमणको निमन्त्रणा दिएका छन् ।
शिष्टाचार भेटका लागि नेपाल आएका भारतीय विदेश मन्त्रालयका सचिव विक्रम मिस्रीमार्फत प्रधानमन्त्री ओलीले समकक्षी मोदीलाई नेपाल भ्रमणको निमन्त्रणा पठाएका हुन्।
दुई दिने नेपाल भ्रमणमा आएका विदेश सचिव मिस्रीले आइतबार अपराह्न प्रधानमन्त्री ओलीसहित शीर्ष नेताहरुसँग छुट्टा छुट्टै भेट गरेका हु्न।
उनले आइतबार नै कांग्रेस सभापति शेरबहादुर देउवा र माओवादी अध्यक्ष पुष्पकमल दाहालसँग भेटवार्ता गरेका छन्। त्यसअघि उनले राष्ट्रपति रामचन्द्र पौडेललाई भेटेका थिए।
