काठमाडौं । चलचित्र ‘के घर के डेराः घर नम्बर २’ को प्रदर्शन मिति तय भएको छ।
यो चलचित्र आगामी माघ ११ गतेबाट रिलिज हुने निर्देशक दीपेन्द्र के खनालले जानकारी दिएका हुन्।
छायाङ्कन सुरू भएको एक हप्ता नपुग्दै चलचित्रको रिलिज मिति तोकिएको हो।
चलचित्रमा खगेन्द्र लामिछाने, निश्चल बस्नेत, आर्यन सिग्देल, केकी अधिकारी, उपासना सिंह ठकुरी, प्रकाश घिमिरको मुख्य भूमिका छ।
सामाजिक कथावस्तुलाई रोचक तरिकाले चलचित्रमा प्रस्तुत गरिने बताइएको छ । ए प्लस इन्टरटेन्मेन्ट र नटराज क्रियशनको ब्यानरमा निर्माण हुन लागेको यो चलचित्रको कथा बुद्धि सागरले लेखेका हुन्।
चलचित्रमा शरद श्रेष्ठ, किरण महर्जन र राजिव श्रेष्ठको लगानी छ। चलचित्रका कार्यकारी निर्माता युवराज कार्की हुन्।
चलचित्रलाई काठमाडौंमा रिच इन्टरटेन्मेन्ट र काठमाडौं बाहिर एफडी कम्पनीले वितरण गर्नेछ।
