काठमाडौं । चलचित्र ‘रावायण’को ट्रेलर सार्वजनिक भएको छ ।
बिहिबार काठमाडौंमा आयोजित पत्रकार सम्मेलनमा सार्वजनिक ट्रेलरमा पल शाहलाई दोहोरो भूमिकामा देखाइएको छ ।
निर्देशक सुदर्शन थापाले पललाई सकारात्मक र नकारात्मक दुई चरित्रमा पेश गरेका छन् ।
चलचित्रमा पूजा शर्मा, प्रियका कार्की, प्रमोद अग्रहरी, प्रकाश शाह, अर्जुनजंग शाही लगायतको अभिनय रहेको छ । पल र पूजालाई जोडीको रुपमा देखाइएको छ भने प्रियंकालाई इस्लाम महिलाको रुपमा चित्रण गरिएको छ ।
चलचित्र ‘रावायण’को निर्माण पूजा शर्माले गरेकी हुन् । सुदर्शन थापा प्रोडक्सन र पूजा शर्मा प्रोडक्सनको ब्यानरमा चलचित्र निर्माण भएको हो । चलचित्रको रिलिज भदौ २१ गते हुने जनाइएको छ ।
