काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेको हिरासत भित्रको तस्वीर सार्वजनिक गरेको आरोपमा पक्राउ परेका डा.निकोलस भुसाल रिहा भएका छन् ।

भुसाललाई सोमबार  जिल्ला अदालत कास्कीमा उपस्थित गराइएको थियो । तर अदालतले म्याद थपको अनुमति दिएन । जिल्ला प्रहरी कार्यालय कास्कीले  बाहिरबाटै अनुसन्धान गर्ने गरी उनलाई छाडेको  सूचना अधिकारी प्रहरी नायब उपरीक्षक वसन्तकुमार शर्माले जानकारी दिए ।

आइतबार राति काठमाडौंको थलीबाट पक्राउ परेका उनलाई सोमबार नै कास्की लगिएको थियो ।

गत बुधबार रातिदेखि रवि हिरासत कक्षमा सुतिरहेको सीसीटीभी फुटेजको फोटो भाइरल भएपछि बिहीबार भुसालले सामाजिक सञ्जालबाट तस्बिर आफूले खिचेको दाबी गरेका थिए ।