काठमाडौं । संयुक्त राज्य अमेरिकामा आइतबारदेखि भिडियो सेयरिङ्ग प्लेटफर्म टिकटक बन्द भएको छ। 

प्रतिबन्ध लागु भन्दा केहि समयअघि नै टिकटकले सेवा बन्द गरेको छ । लोकप्रिय सामाजिक सञ्जाल प्लेटफर्मलाई प्रतिबन्ध लगाउने संघीय कानून लागू हुनुभन्दा ठीक अघि शनिबार प्रमुख एप स्टोरहरूबाट टिकटकको एप हटाइएको हो । 

एपीन्यूजका अनुसार स्थानीय समय शनिबार राति १०ः५० बजे, टिकटक एप एप्पल र गुगलको एप स्टोरहरूमा फेला परेन, जुन टिकटकको चीनमा आधारित अभिभावक कम्पनी, बाइटडान्सलाई प्लेटफर्म बेच्न वा अमेरिकी प्रतिबन्धको सामना गर्न आवश्यक पर्ने कानून अन्तर्गत प्लेटफर्म उपलब्ध गराउन निषेध गरिएको छ।

नेपालमा पनि केहि महिना अगाडी सम्म टिकटक बन्द गरिएको थियो ।