काठमाडौं । केम्यान टापुको दक्षिणमा रहेको क्यारिबियन सागरमा शनिबार ७.६ म्याग्निच्युडको भूकम्प गएको अमेरिकी भूगर्भ सर्वेक्षणले जनाएको छ ।
स्थानीय समय अनुसार शनिबार साँझ ६ बजेर २३ मिनेटमा भूकम्प गएको हो । भूकम्पका कारण सुनामीको चेतावनी जारी गरिएको थियो तर पछि हटाइएको छ।
अमेरिकी भौगर्भिक सर्वेक्षणका अनुसार भूकम्प कम गहिराइमा गएको थियो । उपलब्ध सबै तथ्याङ्कका आधारमा यस भूकम्पबाट सुनामीको खतरा टरेको र थप कुनै खतरा नभएको अमेरिकी प्रशान्त सुनामी चेतावनी केन्द्रले जनाएको छ ।
यसअघि सुनामी चेतावनी प्रणालीले क्युबाका केही तटीय क्षेत्रमा करिब १० फिट (तीन मिटर) सम्मका छालहरू आउन सक्ने र होन्डुरस र क्यामन आइल्यान्डमा तीन फिटसम्मका छालहरू आउन सक्ने बताएको थियो ।
