काठमाडौं । भारतको ओडिसास्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत नेपाली विद्यार्थीलाई कुटपिट गर्दै होस्टेलबाट निकालिएको छ।

मृत भेटिएकी नेपाली विद्यार्थी  प्रकृति लम्सालको छानबिनको माग गर्दा नेपाली विद्यार्थीलाई निष्काशित गरेको हो । 

उक्त विश्वविद्यालयमा तेस्रो वर्षमा अध्ययनरत नेपाली छात्रा प्रकृति लम्सालले होस्टलमा आत्महत्या गरेको विषयमा नेपाली विद्यार्थीहरूले उजुरी दिएपछि घटनाले उग्ररुप लिएको एएनआईले उल्लेख गरेको छ। 

नेपालका विद्यार्थीहरूले विश्वविद्यालय प्रशासनसंग जानकारी माग्दा उचित जवाफ नपाएको भन्दै क्याम्पसमा विरोध प्रदर्शन थालेका थिए। लम्सालको मृत्यु शङ्कास्पद रहेको भन्दै विद्यार्थीहरूले आन्दोलन गरेका थिए । 

एएनआईका अनुसार आत्महत्या गरेकी लम्साल विश्वविद्यालयकै अर्का विद्यार्थीको प्रेम सम्बन्धमा रहेको पाइएको र आत्महत्याको कारण स्पष्ट नभए पनि, प्रेमसम्बन्धमा आएको खटपाट हुन सक्ने अनुमान गरिएको छ।