काठमाडौं । इजरायली सरकारले डोनाल्ड ट्रम्पको युद्धविराम प्रस्ताव स्वीकार गरेको छ ।

इजरायली प्रधानमन्त्री बेन्जामिन नेतन्याहुले विज्ञप्ति जारी गर्दै युद्धविरामको प्रस्तावलाई स्वीकार गरेको र यो युद्धविरामको उलंघन गरिएमा कडा जवाफ दिने बताएका छन् । 

उनले इजरायलले इरानमाथिको आक्रमणबाट आफ्नो उद्धेश्य पुरा भएको समेत उल्लेख गरेका छन् । 

इजरायली आक्रमणमा इरानले ठुलो संख्यामा सैनिक नेतृत्व गुमाएको छ भने आफ्ना तीन प्रमुख आणविक केन्द्रमा अमेरिकाले समत आक्रमण गरेपछि यसको ठुलो क्षति भएको अनुमान गरिएको छ ।

यसअघि अमेरिकी राष्ट्रपति डोनाल्ड ट्रम्पले इजरायल र इरान बीच युद्धविरामको घोषणा गरेका थिए ।