काठमाडौं । नेपाल राष्ट्र बैंकका गभर्नर डा.विश्वनाथ पौडेलले सम्पत्ति विवरण सार्वजनिक गरेका छन् ।

राष्ट्र बैंकको गभर्नरमा नियुक्त भएसँगै उनले आफ्नो सम्पत्ति विवरण सार्वजनिक गरेका हुन् । उनले बुझाएको सम्पत्ति विवरणमा ललितपुरको भैँसेपाटी र नवलपुरको गैँडाकोटमा घर रहेको जानकारी गराएका छन् । दुई वटा घर नै पत्नीको नाममा रहेको उल्लेख छ ।

त्यसैगरी पौडेलले ४५ तोला सुनका गरगहना र १५ लाख बराबरको हिरा रहेको उल्लेख गरेका छन् । सुन पैतृक र हिरा स्वआर्जन भनेका छन् ।

उनले विभिन्न कम्पनीमा संस्थापक सेयरधनी रहेको खुलाएका छन् । उनले सात कम्पनीमा १४ करोड बढी सेयर रहेको बताएका छन् । 

त्यसैगरी पौडेलको सानिमा बैंकमा १३ लाख २३ हजार १९२ रुपैयाँ, नेपाल इन्भेष्टमेन्ट मेगा बैंकमा दुई लाख ५९ हजार ३४४ रुपैयाँ, सानिमा बैंकको डलर खातामा ६६.७८ डलर रहेको छ । 

सानिमा बैंकमा १२ हजार ५४७ रुपैयाँ, प्रभु बैंकमा चार लाख ७३ हजार ८२२, सानिमा बैंकको डलर खातामा चार हजार ४४६ डलर उनको श्रीमती शर्माको नाममा रहेको उल्लेख गरेका छन् । बैंक खातामा रहेको सबै रकम स्वआर्जन भनिएको छ ।

साथै उनले श्रीमतीको नाममा ४४ लाख रुपैयाँ बराबरको सुजुकी कार रहेको पनि घोषणा गरेका छन् ।