काठमाडौं । साताको तेस्रो कारोबार दिन मंगलबार सेयर बजार दोहोरो अंकले घटेको छ ।
आज बजार ४१.७८ अंकले घटेर बजार २८३३.५७ को विन्दुमा झरेको नेपाल स्टक एक्सचेन्ज(नेप्से) ले जनाएको छ ।
बजार घटेसंगै कारोबार रकम पनि घटेको छ । सोमबार १० अर्ब ७ करोडको कारोबार भएको बजारमा मंगलबार ९ अर्ब ३३ करोडको कारोबार भएको छ ।
त्यसैगरी आज ४६ कम्पनीको सेयर मुल्य बढेको छ भने २०४ कम्पनीको सेयर घटेको छ । त्यसैगरी आज समाज लघुवित्त र उन्नती सहकार्य लघुवित्तको शेयरमूल्यमा सकारात्मक सर्किट लागेको छ ।
