काठमाडौं । साताको अन्तिम कारोबार दिन बिहिबार सेयर बजार दोहोरो अंकले बढेको छ ।
आज बजार १८.३० अंकले बढेर २८५०.३७ को विन्दुमा पुगेको नेपाल स्टक एक्सचेन्ज(नेप्से) ले जनाएको छ ।
बजार बढेसंगै बिहिबार कारोबार रकम पनि सामान्य बढेको छ । बुधबार ७ अर्ब ६३ करोडको कारोबार भएको बजारमा बिहिबार ८ अर्ब ५३ करोडको कारोबार भएको छ ।
त्यसैगरी आज १८७ कम्पनीको सेयर मुल्य बढेको छ भने ६२ कम्पनीको सेयर मुल्य घटेको छ ।
बिहिबार सिकलेस हाइड्रोपावर लिमिटेड र बरुण हाइड्रोपावरको शेयर मूल्यमा सकारात्मक सर्किट लागेको छ । सिकलेस हाइड्रोपावर लिमिटेडको शेयर मूल्य १०४.९७ रुपैयाँले बढेर प्रतिकित्ता ११७५.४१ रुपैयाँमा अन्तिम कारोबार भएको छ ।
