काठमाडौं । साताको तेस्रो कारोबार दिन मंगलबार सेयर बजार सामान्य अंकले बढेको छ ।
आज बजार ६.५१ अंकले बढेर २७७६.९० को विन्दुमा पुगेको नेपाल स्टक एक्सचेन्ज(नेप्से) ले जनाएको छ ।
बजार बढे पनि मंगलबार कारोबार रकम भने घटेको छ । सोमबार ६ अर्ब १७ करोडको कारोबार भएको बजारमा मंगलबार ५ अर्ब ६३ करोडको कारोबार भएको छ ।
त्यसैगरी आज १४२ कम्पनीको सेयर मुल्य बढेको छ भने १०७ कम्पनीको सेयर मुल्य भने घटेको छ ।
आज युनाइटेड मोदी हाइड्रो पावर, हिमालयन डिस्टिलरी लिमिटेड, राधी जलविद्युत कम्पनी र बुटवल पार कम्पनीको शयेर सबैभन्दा धेरै कारोबार भएको छ ।
