काठमाडौं । बुङ्गल हाइड्रो लिमिटेडको आइपीओ बाँडफाँड भएको छ ।
आइपिओमा आवेदन दिएका एक लाख ७० हजार १५० जनालाई लक्की ड्रबाट १० कित्ताका दरले शेयर परेको छ ।
कम्पनीले सर्वसाधारण लगानीकर्ताहरुका लागि १७ करोड १ लाख ५० हजार रुपैयाँबराबरको प्रतिकित्ता १०० रुपैयाँ अंकित मूल्यका १७ लाख १ हजार ५०० कित्ता साधारण शेयर निष्काशन गर्न गरेको थियो ।
कम्पनीको शेयर निष्काशन तथा बिक्री प्रबन्धक हिमालयन क्यापिटल लिमिटेड रहेको छ । आइपिओ बाँडफाँटको नतिजा सीडीएससी आइपीओ रिजल्ट पोर्टल, मेरो सेयर एकाउन्टलगायतबाट हेर्न सकिन्छ ।
