काठमाडौं । साताको पहिलो कारोबार दिन आइतबार सेयर बजार दोहोरो अंकले घटेको छ ।
आज बजार ७८.८३ अंकले घटेर २५०३.३५ को विन्दुमा झरेको नेपाल स्टक एक्सचेन्ज(नेप्से) ले जनाएको छ ।
आज बजार ३.०५ प्रतिशतले घटेको हो । बजार घटे पनि आइतबार कारोबार रकम भने बढेको छ । बिहिबार ५ अर्ब २७ करोडको कारोबार भएको बजारमा आइतबार ६ अर्ब ७० करोडको कारोबार भएको छ ।
त्यसैगरी आज ९ कम्पनीको सेयर मुल्य बढेको छ भने २४२ कम्पनीको सेयर मुल्य घटेको छ ।
