काठमाडौं । साताको पहिलो कारोबार दिन आइतबार सेयर बजार दोहोरो अंकले बढेको छ । 

आज बजार १६.६७ अंकले बढेर २५०३.८५ को विन्दुमा पुगेको नेपाल स्टक एक्सचेन्ज(नेप्से) ले जनाएको छ । 

बजार बढे पनि आइताबर कारोबार रकम भने घटेको छ । बिहिबार ३ अर्ब २७ कारोडको कारोबार भएको बजारमा आज २ अर्ब ७९ करोडको कारोबार भएको छ । 

त्यसैगरी आज १६३ कम्पनीको सेयर मुल्य बढेको छ भने ७८ कम्पनीको सेयर मुल्य घटेको छ । बाकी ८ कम्पनीको सेयर मुल्यमा कुनै परिर्वतन आएको छैन ।