काठमाडौं । साताको अन्तिम कारोबार दिन बिहिबार सेयर बजारमा गिरावट आएको छ ।
आज बजार ०.९३ अंकले घटेर २५६०.१५ को विन्दुमा बन्द भएको नेपाल स्टक एक्सचेन्ज(नेप्से) ले जनाएको छ ।
बजार घटे पनि बिहिबार कारोबार रकम भने बढेको छ । बुधबार ३ अर्ब ७७ करोडको कारोबार भएको बजारमा बिहिबार ४ अर्ब ६८ करोडको कारोबार भएको छ ।
त्यसैगरी आज ११२ कम्पनीको सेयर मुल्य बढेको छ भने १३८ कम्पनीको सेयर मुल्य घटेको छ । बाकी ६ कम्पनीको सेयर मुल्यमा कुनै परिर्वतन आएको छैन् ।
