काठमाडौं । साताको पहिलो कारोबार दिन आइतबार सेयर बजार दोहोरो अंकले घटेको छ ।
आज बजार २६.५१ अंकले घटेर २६४९.५२ को विन्दुमा बन्द भएको नेपाल स्टक एक्सचेन्ज(नेप्से) ले जनाएको छ । बजार घटे पनि कारोबार रकम भने बढेको छ । बिहिबार ६ अर्ब ६६ करोडको कारोबार भएको बजारमा आज ७ अर्ब ८ करोडको कारोबार भएको छ ।
त्यसैगरी आज ४५ कम्पनीको सेयर मुल्य बढेको छ भने २११ कम्पनीको सेयर मुल्य घटेको छ । बाकी १ कम्पनीको सेयर मुल्यमा कुनै परिर्वतन आएको छैन् ।
