भदौ १२ काठमाडौं । मुलुकभर पछिल्लो २४ घण्टामा १ हजार ८५७ जनामा कोरोना संक्रमण पुष्टि भएको छ । भने थप २७ जनाको मृत्यु भएको छ । योसँगै हालसम्म नेपालमा कोरोना संक्रमणबाट मृत्यु हुनेको संख्या १० हजार ६९० पुगेको छ।

पछिल्लो २४ घण्टामा १३ हजार १७६ जनाको आरटी–पीसीआर र एन्टिजेन विधिबाट परीक्षण गर्दा १ हजार ८५७ जनामा कोरोना संक्रमण पुष्टि भएको हो ।

मन्त्रालयका अनुसार ९ हजार ४०९ जनाको आरटी–पीसीआर विधिबाट परीक्षण गर्दा १ हजार ५१६ जना र ३ हजार ७६७ जनाको एन्टिजेन विधिबाट परीक्षण गर्दा ३ सय ४१ जनामा कोरोना संक्रमण पुष्टि भएको हो ।
योसँगै नेपालमा कोरोना भाइरस संक्रमितको कुल संख्या ८ लाख ४० हजार ८०५ पुगेको छ ।

त्यस्तै पछिल्लो २४ घण्टामा २२२२ जना कोरोनामुक्त भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ७ लाख १० हजार ४५२ पुगेको छ ।