एजेन्सी । इंग्लिस प्रिमियर लिग फुटबलमा साविकको विजेता म्यान्चेस्टर सिटीले शानदार जित निकालेको छ ।

शनिबार साँझ सम्पन्न खेलमा १० खेलमा सिमित पाहुना आर्सनलमाथि ५/० गोलको फराकिलो जित निकालेको हो ।

घरेलु टोली सिटीको जितमा फेरान टोरेसले दुई गोल गरे। त्यस्तै कप्तान इल्काए गुन्डोगान, ग्राबियल जेजुस र रोड्रीले एक एक गोल गरे।

पहिलो हाफमा ३/० गोलको अग्रता बनाएको सिटी दोस्रो हाफमा थप २ गोल गर्न सफल भयो । त्यसअघि खेलको ३५ औं मिनेटमा ग्रानिट जाकाले रातो कार्ड पाएपछि आर्सनल १० खेलाडीमा समेटिएको थियो। जोआ कान्सेलोलाई खराब ट्याकल गरेपछि रेफ्रीले जाकालाई सिधै रातो कार्ड देखाएका थिए ।

उक्त जितसँगै सिटीले लगातार दोस्रो जित निकालेको छ । उसको ३ खेलबाट ६ अंक जोड्दै शीर्ष स्थानमा उक्लिएको छ । यता पराजित आर्सनलले भने लगातार तेस्रो हारसँगै पूछारमा ।