काठमाडौँ । साताको चौथो दिन आज (बुधबार) नेपाली बजारमा सुनको मूल्य १ हजार रुपैयाँले घटेको छ। 

नेपाल सुनचाँदी व्यवसायी महासंघकाअनुसार आजसँगै लगातार तेस्रो दिन घटेको जनाएको छ।

आज छापावाल सुनको मूल्य तोलामा १ लाख १५ हजार रुपैयाँ कायम छ। यस्तै, तेजाबी सुनको मूल्य तोलामा १ लाख १४ हजार ४५० रुपैयाँ कायम छ।

हिजो छापावाल सुनको मूल्य तोलामा १ लाख १६ हजार र तेजाबी सुनको मूल्य तोलामा १ लाख १५ हजार ४५० रुपैयाँ कायम थियो।

हिजो मंगलबार सुनको मूल्य तोलामा ५०० र सोमबार तोलामा ५०० रुपैयाँले नै मूल्य घटेको थियो। 

यस्तै, आज चाँदीको मूल्य प्रतितोला ३५ रुपैयाँले घटेको छ।

यससँगै, आज चाँदीको मूल्य तोलामा १३ सय ८५ रुपैयाँमा कारोबार भइरहेको छ। हिजो मंगलबार १४ सय २० रुपैयाँमा चाँदीको कारोबार भएको थियो।