काठमाडौं । नेपाली बजारमा साताको दोस्रो कारोबारको दिन (आज) सोमबार सुनको मूल्य बढेको छ भने चाँदीको मुल्य स्थिर रहेको छ।

नेपाल सुनचाँदी व्यवसायी महासंघका अनुसार सुनको मूल्य तोलामा २०० रुपैयाँले बढेको हो।

आज छापावाल सुन तोलाको एक लाख १५ हजार ७०० रुपैयाँमा कारोबार भइरहेको छ। यसअघि आइतबार छापावाल सुन तोलाको एक लाख १५ हजार ५०० रुपैयाँमा कारोबार भएको थियो।

त्यस्तै आज तेजाबी सुन तोलाको एक लाख १५ हजार १५० रुपैयाँमा कारोबार भइरहेको छ।

सोमबार चाँदीको मूल्य भने स्थिर रहेको छ। चाँदी तोलाको एक हजार ४५० रुपैयाँमा कारोबार भइरहेको महासंघले जनाएको छ।