काठमाडौं । नेपाली बजारमा बुधबार सुनको मूल्य बढेको छ ।
मंगलबार प्रतितोला १ लाख ४६ हजार ३०० रुपैयाँमा कारोबार भएको छापावाला सुन आज १ हजार १०० रुपैयाँले बढेर प्रतितोला १ लाख ४७ हजार ४०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
आज तेजावी सुन प्रतितोला १ लाख ४६ हजार ७०० रुपैयाँमा कारोबार भइरहेको छ ।
यसैगरी, बुधबार चाँदीको मूल्य पनि १५ रुपैयाँले बढेको छ । आज चाँदी प्रतितोला १ हजार ८०५ रुपैयाँमा कारोबार भइरहेको महासंघले जनाएको छ ।
