काठमाडौं । परराष्ट्रमन्त्री डा.आरजु राणा देउवा आज छिमेकी राष्ट्र भारत भ्रमणमा जाँदै छिन् ।
भारतीय समकक्षी डा. एस जयशंकरको मैत्रीपूर्ण निमन्त्रणामा मन्त्री राणा पाँच दिनको भ्रमणका लागि भारत जान लागेकी हुन् ।
राणा परराष्ट्रमन्त्री भएपछि यो पहिलो भारत भ्रमण हो ।
भ्रमणका क्रममा दुई देशबीचको आपसी हित, पारस्परिक सम्बन्ध अझै प्रगाढ तुल्याउने तथा नेपाल–भारतबीचको सहकार्य प्रवर्द्धननबारे छलफल हुने बताइएको छ ।
