काठमाडौं । नेपालमा थप ४१६ जना डेंगु संक्रमित थपिएका छन् ।
देशभर संक्रमितको संख्या ३ हजार ७५५ पुगेछ । साउन २८ मा ३ हजार ३३९ जनामा डेंगु संक्रमित देखिएको थियो भने गत वर्षको माघ मध्ययता ३ हजार ७५५ जनामा डेंगु संक्रमित देखिएको इपिडिमियोलोजी तथा रोग नियन्त्रण महाशाखा (ईडीसीडी) शाखाले जनाएको छ ।
सो अवाधिमा २ जना डेंगु संक्रमितको मृत्यु भइसकेको छ ।
काठमाडौंमा ३५४, कास्कीमा २७४, झापामा १४७, चितवनमा १४५ र पर्वतमा १३६ जना संक्रमित भएका छन् । यीबाहेक अन्य जिल्लामा संक्रमितको संख्या १०० भन्दा कम छ ।
७७ जिल्लामध्ये ७४ जिल्लामा डेंगु संक्रमण फैलिएको छ । तनहुँमा सबैभन्दा बढी ७१५ जनामा डेंगु संक्रमित देखिएको छ ।
