काठमाडौं । बुद्ध एयरले आजदेखि भारतको बनारसको लागि तेस्रो उडान थपेको छ।

कम्पनीका अनुसार साताको सोमबार र शुक्रबार उडान गरिरहेको बुद्धले अब सातामा तीन उडान गर्ने भएको हो । बुद्ध एयरको भगनी संस्था बुद्ध होलिडेजले बनारस, सारनाथ अयोध्यालगायत वरपरका विभिन्न गन्तव्यको होलिडेज प्याकेज पनि उपलब्ध गराएको छ।

साताको तीन उडानले यात्रुलाई आवतजावतमा थप सहयोग पुग्ने बताइएको छ । बुद्धको उडानबाट बनारस ५० मिनेटमै पुग्न सकिन्छ। काठमाडौंबाट बनारस सुरूवाती एकतर्फी भाडा ११ हजार तीन सय ६० रूपैयाँ छ। उडान समय काठमाडौंबाट बिहान ७ः१५ तथा बनारसबाट बिहान ८ः३० बजे छ।