काठमाडौं । नेपाली काँग्रेसको खेलकुद विभागमा १० जना नयाँ सदस्य मनोनयन गरिएको छ ।

पार्टी केन्द्रीय सदस्य उमेशजंग रायमाझी प्रमुख रहेको खेलकुद विभागको सदस्यमा १० जना मनोनयन गरिएको काँग्रेस केन्द्रीय कार्यालयका मुख्य सचिव कृष्णप्रसाद पौडेलले जानकारी दिए ।

काँग्रेसका सभापति शेरबहादुर देउवाले पार्टीको विधान, २०१७ (संशोधनसहित) को धारा २५ (९) बमोजिम १० जना नयाँ सदस्य मनोनयन गरेका हुन् ।

मनोनयन भएका सदस्यहरुमा माधवराज भण्डारी मोरङबाट, कानन चौधरी सप्तरी,राजिव श्रेष्ठ काठमाडौं,गोपी भट्टराई कास्की,कुमार के.सी.रुपन्देही, रेशमबहादुर गुरुङ सुर्खेत,भानबहादुर चन्द, कञ्चनपुर,गोमादेवी पौडेल, काठमाडौं, दिपराज गुरुङ, झापा, बिक्रम खड्गी काठमाडौंबाट रहेका छन् ।