काठमाडौं । पोखरामा प्रहरीले रास्वपाका कार्यकर्तामाथि अश्रुग्यास प्रहार गरेको छ ।
सभापति रवि लामिछाने पक्राउको विरोधमा मंगलबार प्रदशर्नमा उत्रिएका कार्यकर्तामाथि प्रहरीले अश्रुग्यास प्रहार गरेको हो ।
रास्वपाका नेता कार्यकर्ताले रत्नचोकहुँदै वाइ चोकमा निषेधित क्षेत्र तोड्न खोजेपछि प्रहरीले अश्रुग्यास प्रहार गरेको हो । राजनीतिक प्रतिशोधले लामिछानेलाई पक्राउ गरिएको बताउँदै रास्वपाले विरोध प्रदर्शन गर्दै आएको छ ।
लामिछानेलाई अदालतमा उपस्थित गराइने भएपछि आज पनि रास्वपाले पोखरामा प्रदर्शन जारी राखेको छ ।
