काठमाडौं । मानव तस्करीको आरोप लागेका कोसी प्रदेशका निवर्तमान आन्तरिक मामिला तथा कानुनमन्त्री लीलावल्लभ अधिकारीलार्ई प्रहरीले नियन्त्रणमा लिएको छ ।

प्रहरीका अनुसार नक्कली कागजात बनाएर ३ जनालाई जापान लगेको कसुरमा उनलाई नियन्त्रणमा लिइएको हो । 

अधिकारीलार्ई विराटनगरबाट काठमाडौँ ल्याइँदैछ ।

संघीय र प्रदेश सरकारको अनुमतिबेगरै उनी यही कात्तिक १३ गते जापान गएका थिए र उनीसँगै तीनजना नक्कली कार्ड बनाएर जापान उडेको खुलेको थियो ।

टोकियो विमानस्थलमा उनलाई ४८ घण्टा राखेर फिर्ता गरेको पाइएको थियो । नेपाल फर्कनासाथ उनले मन्त्री पदबाट राजीनामा दिएका थिए ।