काठमाडौं । आफूमाथि घरेलु हिंसा भएको भन्दै न्यायको माग गर्दै आएकी विनु यादवलाई सर्वोच्च अदालत अगाडिबाट प्रहरीले पक्राउ गरेको छ । 

मंगलबार सर्वोच्च अदालत अगाडि साइनबोर्डमा कालो रङ्ग छ्याप्ने क्रममा उनलाई प्रहरीले पक्राउ गरेको हो । पक्राउसँगै उनलाई प्रहरी वृत्त सिंहदरबार लगिएको छ।

उनले आफूमाथि श्रीमान र श्रीमानको परिवारले घरेलु हिंसा गर्दै आएको आरोप लगाउदै आएकी छिन्।

अहिले महिला हिंसा विरुद्धको १६ दिने अभियान चलिरहेको बेला यादवले प्रदर्शन गरेकी हुन् ।