काठमाडौं । नेपाली बजारमा बिहीबार सुन चाँदीको मूल्य स्थिर रहेको छ ।
आज छापावाल सुनको मूल्य प्रतितोला एक लाख ५४ हजार दुई सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । बुधबार पनि सुन सोहि मुल्यमा कारोबार भएको थियो ।
आज चाँदीको मुल्य पनि स्थिर रहेको छ । महासंघका अनुसार आज चाँदी प्रतितोला १ हजार ९ सय २५ रुपैयाँमा कारोबार भइरहेको छ । मंगलबार र बुधबार पनि चाँदीको सोही मूल्य कायम थियो ।
