काठमाडौं । साताको पहिलो कारोबार दिन आइतबार सेयर बजार उच्च अंकले बढेको छ ।
आज बजार ६९.८० अंकले बढेर २७२७.५८ को विन्दुमा पुगेको नेपाल स्टक एक्सचेन्ज(नेप्से)ले जनाएको छ ।
बजार बढेसंगै कारोबार रकम पनि बढेको छ । आइतबार १२ अर्ब ९५ करोड ५७ लाख रूपैयाँको कारोबार भएको छ।
आज २ सय २ वटा कम्पनीको सेयर मूल्य बढेको छ भने ३७ वटा कम्पनीको सेयर मूल्यमा गिरावट आउँदा ३ कम्पनीको भने स्थिर रहेको छ।
पछिल्लो समय पटकपटक करेक्सन र साइडवेजमा रहँदै आएको सेयर बजारमा यो हप्ताको सुरुवातमै उच्च अंकको वृद्धि भएको हो। अब २८०० बिन्दुको ब्रेक आउट गरेर अगाडि बढ्ने अनुमान गरिएको छ।
