काठमाडौं । दुई दिनदेखी लगातार ओरालो लागेको सेयर बजार बिहिबार पनि घटेको छ ।
साताको अन्तिम दिन बिहिबार सेयर बजार ११.६४ अंकले घटेर २६९९.८१ को विन्दुमा झरेको नेपाल स्टक एक्सचेन्ज(नेप्से)ले जनाएको छ ।
बजार पनि बिहिबार कारोबार रकम भने सामान्य बढेको छ । बुधबार ८ अर्ब ९५ करोड ८० लाख रुपैयाँको कारोबार भएको बजारमा बिहिबार ९ अर्ब २४ करोड ७३ लाख रुपैयाँको कारोबार भएको छ ।
बिहिबार ७४ कम्पनीको मात्र सेयर मूल्य बढेको छ भने १६० कम्पनीको सेयर मूल्य घटेको छ । बाकी ९ कम्पनीको मूल्यमा परिवर्तन भएको छैन।
बिहिबार अपर लोहोरे खोलाको सेयर मूल्य १० प्रतिशत बढेको छ भने उपकार लघुवित्त र कर्पोरेट डेभलपमेन्ट बैंकको सेयर मूल्य १० प्रतिशत घटेको छ ।
