काठमाडौं । केहि दिनदेखी लगातार ओरालो लागेको सेयर बजार सोमबार पनि घटेको छ ।
सोमबार बजार १०.९८ अंकले घटेर २६७७.३२ को विन्दुमा झरेको नेपाल स्टक एक्सचेन्ज(नेप्से)ले जनाएको छ ।
बजार घटेसंगै कारोबार रकम पनि घटेको छ । आइतबार ८ अर्ब ३९ करोडको कारोबार भएको बजारमा सोमबार भने ६ अर्ब ९६ करोडको कारोबार भएको छ ।
सोमबार ७७ वटा कम्पनीको सेयर मुल्य बढेको छ भने १६१ कम्पनीको सेयर मुल्य घटेको छ । बाकी ६ कम्पनीको सेयर मुल्यमा कुनै परिर्वतन भएको छैन् ।
सोमबार न्यादी हाइड्रोपावर लिमिटेड र गार्डियन माइक्रो लाइफ इन्स्योरेन्स लिमिटेडले सकारात्मक सर्किट हानेको छ । आज यि दुई कम्पनीको सेयर मुल्य १० प्रतिशतले बढेको छ ।
